Шымкент қаласының Абай ауданы аумағында атауы жоқ 265 көшеге республикалық ономастикалық комиссияның оң қорытындысы шығып, қалалық мәслихаттың шешіміне сәйкес, көше атаулары берілді. Аталған көшелерге жаңа үлгідегі QR коды бар тақтайша ілу жұмыстары жүргізілуде деп хабарлайды Infonews.kz Шымкент қаласы әкімдігінің баспасөз қызметіне сілтеме жасап. Қазіргі таңда Шымкент қаласы Абай ауданындағы Нұршуақ және Құрсай шағынауданындарында жалпы саны 60 көшеге QR коды бар тақтайша ілу жұмыстары атқарылуда. Бұл аталған бағыттағы жұмыстарды жоспарға сәйкес ағымдағы жылдың қыркүйек айына дейін аяқтау жоспарлануда. Аталған жұмыстар биыл өткізілетін «Қазақстан Республикасы халқының ұлттық санағын» тиімді әрі жоспарлы түрде өткізуге мүмкіндік береді. Себебі тақтайшадағы QR-кодты тұрғындар ақпараттық көмек құралы ретінде пайдалана алады. Бұл бірегей қосымша орнатылған нысан жайында кеңінен таныстырып, бірнеше функционалдық қызмет түрін көрсетеді. сондай-ақ бұл атқарылып жатқан жұмыстар «Цифрлық Қазақстан» бағдарламасы аясында жүзеге асуда.
