Қазіргі кезде мейрамхана бизнесі Түркістанда қарқынды түрде дамып келеді. Әрі табысты, әрі пайдалы кәсіп түрі саналады. Халықаралық тәжірибеде қонақ үй индустриясы және мейрамхана бизнесі барынша дамыған салалардың бірінші сатысында тұр. Оның үстіне бұл шағын және орта кәсіп түрін ашамын деушілер үшін мемлекет тарапынан қарастырылған кәсіпті қаржылай қолдау көрсететін бағдарлама түрлері де аз емес. Қоғамдық тамақтандыру – халық шаруашылығы экономикасының өте айрықша кіші саласы. Кез келген ел үшін қоғамдық тамақтандыру зор экономикалық рөл атқарды, өйткені ол халықты тамақпен қамтамасыз етіп қана қоймай, көп жұмыс орнын құрып, халықты жұмыспен қамтиды, көп адамдардың санын олар демалуға, балаларымен, достарымен және т.б. демалуға жұмсай алатын уақытты тамақ әзірлеуден босатып, халықтың өмір сүру сапасын да арттырады. Қоғамдық тамақтандырудың ерекше рөлі оның елімізде шағын және орта бизнестің дамуына ықпал етуімен байланысты, осы орайда еліміздегі қоғамдық тамақтандыру кәсіпорындарының көбі шағын нысанда ұйымдастырылғанын да атап өтуге болады, тек мейрамхана бизнесі объектілерінің шамалы ғана санын ірі кәсіпорынға жатқызуға болады. Қаладағы қоғамдық тамақтану орталықтарының бірі «Дәулет» кафесі. Аталған тамақтану орны қалаға жан жақтан келген қонақтар мен қала тұрғындарының орнықты мекеніне арналған. Шайханада 150 орын бар. Шайхана атағы еліміздің ғана емес, көршілес елдерге де жететін Қожа Ахмет Ясауи кесенесінің маңында орналасқандықтан маңайында үнемі шетелдік туристер өрбіп жүреді.
Облыс орталығы Түркістан қаласы қазір мейрамхана кәсібі кеңінен дамып келеді. Мейрамхана кәсібі, тамақтану орындары қашанда қала экономикасында елеулі орында. Ол әсіресе Түркістан секілді туристік қалаларда айқын көрінеді. Қаланың мейрамханаларының бірі де бірегейі “Sky” мейрамханасын бүгінде көпшіліктің сұранысына ие, көрнекті мейрамханалардың алды деуге болады. Мейрамхана ботаникалық бақтың қарама-қарсы жағында орналасқан. Мейрамханада би бұрышы және бірнеше зал бар, олар: караоке залы, Шығыс залы, Африка залы, кантри және поп арт стиліндегі зал, Париж залы, сондай-ақ апачи залы. Мейрамханада, сондай-ақ жазғы терраса бар, онда отбасылық мереке және туылған күндерді тойлауға болады. Терраса 120 орынға есептелген. Мейрамхана мәзірінде шараптардың, коньяктардың, ромның, шампанның, виски мен басқа да сусындардың кең таңдауы, сондай-ақ әлемдік тағамдар ұсынылады. Кеш бойы залда ерекше вокалмен жанды музыка және көңілді жетекші шоу-бағдарлама ойнайды. Мұның бәрі осы мейрамханада жақсы уақыт өткізу үшін жақсы атмосфераны жасайды. Бүгінгі таңда мейрамханалық кәсіптің дамуы өзекті мәселеге айналды. Себебі Түркістан қаласында қызмет көрсету саласы, оның ішінде қоғамдық тамақтандыру саласы өте жоғары қарқынмен дамып келеді. Үш-төрт жылдың ішінде көптеген мейрамханалар мен дәмханалар ашылып, сәтті жұмыс істеуде. Ал бұл өз кезегінде қоғамдық тамақтану саласына сұраныстың барлығын дәлелдейді. Сұранысқа әсер ететін факторлар – ол халықтың табыс деңгейінің жоғарылауы, халықаралық интеграцияның дамуына байланысты елімізге шетел азаматтарының сапар шегіп келуі және де үй атмосферасы сыртында дем алуға деген қажеттіліктің болуы. Мейрамханалық бизнес тартымды әрі перспективті: мейрамхананың орны мен әзірлейтін тағамдарын дұрыс таңдау, атмосфера және білікті ұйымдастырылған қызмет көрсету нарықты тартуға мүмкіндік береді және жоғары пайда мен инвестицияларды қамтамасыз етеді.
