Жиырма екінші маусымда Халықаралық дзюдо федерациясы олимпиадалық рейтингке сәйкес, Токио олимпадасына жолдама алған дзюдошылардың тізімін жариялаған болатын.
Оған сәйкес, Шымкент қаласының спортшысы және Олимпиада ойындарының қола жүлдегері Отгонцэцэг Галбадрах қырық сегіз келіде лицензияға иелік етті. Спортшы олимпиадалық рейтингте тиісті ұпай жинаған.
Отгонцэцэг Галбадрах – әлемдегі үздік дзюдошылардың бірі болып саналады. Көптеген халықаралық турнирлердің жеңімпазы әрі Әлем чемпионатының және Олимпиада ойындарының қола жүлдегері.
Сонымен, Шымкент қаласы спортшыларының қоржынында бақандай он бір Олимпиада жолдамасы бар.
Атап өтсек Токио олимпиадасына жолдама алған спортшылар қатары:
Стенд ату – Сәрсенкүл Рысбекова және Зоя Кравченко
Оқ ату – Юрий Юрков
Бокс – Закир Сафиуллин
Каратэ – Дархан Асаділов пен Данияр Юлдашев және Софья Берульцева
Байдарка және каноэда есу – Сергей Емельянов және Тимофей Емельянов
Көркем гимнастика – Алина Әділханова
Дзюдодан – Отгонцэцэг Галбадрах ие болды
