Шымкент қаласының Абай ауданы аумағында санитарлық тазалық жұмыстары қарқынды жүргізілуде.
Аудан аумағындағы Кремль, Мақталы, Мамытов, Қожанов көшелерінің бойындағы көпқабатты тұрғын үй аулалары және Жайлау, Шұғыла, Ынтымақ-2 шағын аудандарында тазалық іс-шарасы ұйымдастырылды.
Тазалық жұмыстарына «Ақсемсер-стройсервис» ЖШС-нің 16 техникасы мен 42 жұмысшы күші жұмылдырылған. Аталған жұмыстар аудан әкімі аппаратының Халықпен жұмыс жүргізу бөлімінің мамандары тарапынан қадағалануда.
Ауданда бұл бағыттағы жұмыстар тұрақты түрде жүргізіледі. Мәселен, жақында экологияның жақсаруына өз үлестерін қосу мақсатында мазарат ішіндегі бей-берекет қоқыстар мен қураған ағаш бұталарын қырқу және жол бойындағы шөптерді қырқу жұмыстары атқарылып, аяқ жолдарға су себу жұмыстары жүргізілді. Аталған жұмыстарға 8 техника мен санитарлық тазалықпен айналысатын мекеменің 31 қызметкері және аудан тұрғындары қатысты.
Айта кетейік, аталған аудан Шымкент қаласының батыс бөлігінде орналасқан. Аумағы 49 704 гектар жерді алып жатыр. Ал аудан тұрғындарының саны 322 мыңнан асады. Жалпы, аудан аумағында 258 аула орналасқан.
