Шымкент қаласы Еңбекші ауданында көп қабатты тұрғын үйлердің аулаларында ағаш бұтақтарына санитарлық кесу, тазалық және аула аумағындағы ағаштарды суғару жұмыстары жүргізілуде.
Атап айтқанда Сайрам, Елшібек батыр және Ш.Уалиханов көшелеріндегі көпқабатты тұрғын үйлердің аумағында атқарылуда. Жауапты мердігер мекеме «Build Stroi» ЖШС-і тарапынан кестеге сәйкес орындалуда
Айта кетейік бұл жұмысқа 4 техника мен 35 жұмысшы жұмылдырылған. Жұмысшылардың еңбегі аудан тұрғындары тарапынан әрқашан бағаланып, алғыс және ризашылық көңілдерін білдіруде. Бұл бағыттағы жұмыстар тұрақты түрде жүргізілетін болады.
Шымкент қаласының әкімі Мұрат Әйтеновтің қала аумағындағы санитарлық тазалық жұмыстарын жандандыру жөніндегі тапсырмасына сәйкес Еңбекші ауданында өткен аптада кезекті тазалық акциясы өткен болатын. Оған студенттердің материалдық және әлеуметтік мәселелерін шешу, жастарды еңбекке баулу, жұмысқа деген ынтасын ояту және бос уақыттарын тиімді пайдалану мақсатында құрылған «Жасыл ел» еңбек жасағы атсалысты.
Тазалық акциясы барысында «Фосфоршылар» сарайының айналасы және оның маңындағы көп қабатты тұрғын үйлердің аулалары мен аллеясы қоқыстан толығымен тазартылды. Оған қоса, арнайы техникалар жұмылдырылып, сырлау, әктеу жұмыстары жүргізіліп және қураған ағаштар қырқылды. Бұл ретте акцияға қатысушылар: «Қаламызды таза ұстау – міндетіміз!» атты ұранды алға тартып, өз ортасына деген жанашырлықтарын көрсетті.
