БОКСТАН ЖАСӨСПІРІМДЕР АРАСЫНДА РЕСПУБЛИКАЛЫҚ ТУРНИР ӨТТІ

Қазығұрт ауданы орталығында 1-дәрежелі халықаралық спорт шебері, «ҚР Білім беру ісінің үздігі», Қазығұрт ауданының Құрметті азаматы Барат Айдарқұловтың жүлдесіне арналған жасөспірімдер арасындағы І-Республикалық турнирі өтті.

Ауданымыздың бокс мектебінің қалыптасуына үлкен үлес қосқан Барат Айдарқұлов осы бапкерлік саласында жүріп, 20-ға жуық спорт шеберлері мен спорт шеберлігіне үміткер боксшыларды дайындап, жаттықтырды. Сондай-ақ, облыс біріншілігінің, Қазақстан біріншілігінің, бірқатар Халықаралық турнирлердің жеңімпаздарын баптап, жеткізген.

Арда азаматымыздың 75 жылдық мерейтойына арнап ұйымдастырылған турнир жоғары дәрежеде өтіп, жастарды спортқа баулу, салауатты өмір салтын насихаттау тұрғысынан үлкен мән-мағынаға толы жарыс болды.