Ел ырзығы еселенді

Жыл басынан бері 7 айда Түркістан облысында ауыл шаруашылығының жалпы өнім көлемі жоспардан 27,2 млрд. теңгеге артық орындалып, 338,9 млрд. теңгені құрады. Ал, нақты көлем индексі өткен жылмен салыстырғанда +4,4%-ға ұлғайды.

Жалпы егін саласында жиын-терім науқаны уақтылы ұйымдастырылып, астық мерзімінде жиналып алынды. Мал шаруашылығында ет, сүт, жұмыртқа өндіру былтырмен салыстырғанда сәйкесінше 0,6%-ға, 1%-ға және 10,6%-ға ұлғайды. Шетелге 121 мың тонна қауын, 170 мың тонна қарбыз экспортталған.

Облыс әкімі Өмірзақ Шөкеевтің тапсырмасымен өңірде ауыл шаруашылығы саласы өкілдеріне семинарлар өткізіліп келеді. Семинарларда кәсіпкерлерге, шаруаларға жаңа технологияларды енгізу жолдары түсіндіріліп, нәтижесінде тамшылатып және жаңбырлатып суару тәсілдері кеңінен қолданысқа енгізілді.