ЖЫЛ БАСЫНАН БЕРІ ҚАМҚОРЛЫҚ ОРТАЛЫҒЫНАН 1448 ТҰРҒЫН КӨМЕК АЛҒАН
Жақында ғана ресми ашылуы болған «Қамқорлық» жанұя орталығының жұмысы жандануда. Оқыту курстары саны артып, қызмет алушыларға қолайлы жағдайлар жасалуда.
Соңғы көрсеткіштерге сәйкес, орталықта жыл басынан бері 1448 тұрғынға қызмет көрсетілген. Оның 148-і тегін курстардан білім алса, қалған азаматтарға әлеуметтік, құқықтық, психологиялық көмек түрлері көрсетілген.
Бүгінде мекеме 11 сала түрінен курстар ұйымдастыруда. Одан бөлек, мемлекеттік грант алып, өз кәсібін ашқан көпбалалы ана, ерекше қажеттілігі бар бала бағып отырған аналарды да орталық жұмыспен қамтып, кәсібін дөңгелетуге көмек беруде.
Атап айтқанда: аспаз, кондитер, тігінші, қолөнер шебері жобалары арқылы мемлекеттік грант алған 8 ана бүгінде мекемеде өзі сияқты өзін-өзі жұмыспен қамтуға ниетті тұрғындарға сабақ өтуде. Кейбір оқытушылар өз командасын құрып, жаңа кәсіптік нысандарын ашуда. Қазіргі таңда оқу курстарына 212 тұрғын жазылған. Олар: аспаздық курсына-25, тігіншілік курсына-28, компьютерлік сауаттылыққа үйрету курсына-25, шаштараз кәсібін үйрену курсына-18 адам өтініш берген.
Сондай-ақ, 29 адам сұлулық курстарынан (маникюр курсынан-12, эстет косметологиясы курсына-17) білім алса, 24 азаматша қолөнер бұйымдарын дайындауды үйренуде.
Және де жартылай дайын кондитер өнімдерден тағам дайындау курсын-25 тұрғын, сервистік қызмет көрсету курсын -20 азаматша үйренуде.
Leave a reply
Infonews ақпарат агенттігіне 2021 жылғы 19 наурызда ҚР Ақпарат және Коммуникация министрлігінің №KZ66VPY00033664 куәлігі берілген.
