ОРДАБАСЫ АУДАНЫНДА 169 СПОРТ КЕШЕНІ ЖҰМЫС ІСТЕЙДІ

Ауданда жиырма шақты мәдениет ошағы халыққа қызмет көрсетіп келеді. Оның ішінде аудандық мәдениет үйінен бөлек, клуб мекемелері мен ауылдық мәдениет үйлері бар. Төрткүл мәдениет үйіне барып, тыныс-тіршілігімен танысты. «Ауыл – Ел бесігі» бағдарламасына сай, ұсыныс беруді атап өтті. Мәдениетті қалыптастыруға, көрермен мен оқырман тартуға жағдай жасау қажет деді. Үйірме жұмыстарын күшейтуді, гардероб ұйымдастыруды, әжетхана жағын ретке келтіруді тапсырды.

Түркістан облысы әкімінің орынбасары Ертай Алтаев Ордабасы ауданынына жұмыс сапарымен барды. Аудан әкімі Азат Оралбаевпен бірге бірқатар әлеуметтік нысандарды аралап, жай-күйімен танысты.

Аудан тұрғындарын спортпен тұрақты түрде шұғылдануына ықпал жасау мақсатында ауданда 169 спорт нысаны жұмыс жұмыс істейді. Оған қоса Темірлан ауылынан 250 орындық спорттық сауықтыру кешенінің құрылысы жүргізілуде. Құрылыс алаңына барған Ертай Кенжебекұлы мерзімінде сапалы аяқтауды тапсырды. Спорт нысанында тек ұлдарға ғана емес, қыздарға арналған спорт түрлерін де қолға алу керек деді. Соның ішінде көркем гимнастиканы қамтуға тапсырма берді. Салынып жатқан спорт нысандарының арқасында ауданның спорт инфрақұрылымы жақсаруда.

Ордабасы ауданында 14-35 жас аралығында 40 мыңға жуық жас бар.