САЙРАМ: АУДАНДЫҚ ПОЛИЦИЯ БАСҚАРМАСЫНДА «АШЫҚ ЕСІК» КҮНІ ҰЙЫМДАСТЫРЫЛДЫ

“Қоғамдық келісім” КММ Сайрам ауданы филиалының жылдық жоспары негізінде филиалдың ұйымдастырумен, Сайрам ауданы полиция басқармасында аудан аумағындағы жоғары сынып мектеп оқушыларына «Ашық есік» күні болып өтті.
Аталған шара барысында Мұрат Ермеков басқаратын аудандық полиция басқармасының ұжымы оқушыларды бұл саланың қыр-сырымен тереңірек таныстырды.
Адам өмірінде айрықша орын алатын аталмыш қызметте қару-жарақтарды қалай қолдану қажеттігіне тоқталды. Сондай-ақ, әрбір қару-жарағын тәжірибе жүзінде түсіндіріп көрсетті. Бұдан бөлек, тұтқындарды уақытша ұстау абақтысындағы тыныс-тіршілікпен таныстырды.
Ашық есік» күні аясында оқушылар полиция қызметкерлеріне алғыстарын айтып, бүгінгі басқосудан алған өз ойларымен бөлісті.
Бұл іс-шара олардың құқықбұзушылыққа бой алдырмауы мен құқықтық сауаттылықтарын арттыруға бағыталған.