Сауатты тұтынушы болыңыз!

Сатушының (дайындаушының, орындаушының) сатушы туралы, уәкілетті орган және тұтынушылық дауларды сотқа дейінгі реттеу субъектілері туралы, сондай-ақ өзінің бұзылған құқықтары мен заңды мүдделерін қалпына келтіру үшін тұтынушының оларға жүгіну құқығы туралы ақпараттарды қазақ және орыс тілдерінде орналастыру жөніндегі міндеттері

Өткен жылы тұтынушылардың құқықтарын қорғау заңнамасына өзгерістер мен толықтырулар енгізілген болатын. Бұл ретте Қазақстан Республикасының «Тұтынушылардың құқықтарын қорғау туралы» заңына сәйкесСатушы өзінің байланыс деректерін (мекенжайы мен телефон нөмірін) және уәкілетті органның байланыс деректерін (мекенжайы мен телефон нөмірін), тауарларды өткізу (жұмыстарды орындау, қызметтерді көрсету) шарттарын, сондай-ақ сатушының тауарды сату (жұмысты орындау, қызметті көрсету) кезінде тауарды сатып алу (жұмысты орындау, қызметті көрсету) фактісін растайтын құжатты немесе тауарды сатып алу (жұмысты орындау, қызметті көрсету) кезінде жасалған шартты беру міндеті туралы ақпаратты тауарды өткізу (жұмысты орындау, қызметті көрсету) орнында қазақ және орыс тілдерінде орналастыра отырып, көрсетілген ақпаратты тұтынушының назарына жеткізуге міндетті.

Сонымен қатар, Сатушы (дайындаушы, орындаушы) тауарды өткізу (жұмысты орындау, қызметті көрсету) орнында уәкілетті органның және тұтынушылық дауларды сотқа дейінгі реттеу субъектілерінің байланыс деректерін (мекенжайы мен телефон нөмірін), сондай-ақ тұтынушының өзінің бұзылған құқықтары мен заңды мүдделерін қорғау үшін оларға немесе сотқа жүгіну құқығы туралы ақпаратты орналастыруға міндетті.

Осыған байланысты тұтынушы өзінің құқықтары мен заңды мүдделерін қорғау үшін сатушыдан аталған ақпараттарды сұратуға толық құқығы бар.

Өз құқықтарыңызды қорғап, сауатты тұтынушы болыңыз!

Тұтынушылардың құқығын қорғаудың өзекті мәселелерін білесіздер ме?

Әрбір тұтынушының сапалы тауар, жұмыс және қызметтермен қамтамасыз етілу құқығы Қазақстан Республикасының «Тұтынушылардың құқықтарын қорғау туралы» Заңында көрсетілген. Дегенмен, негізгі құқықтарын көптеген тұтынушылар біле бермейді. «Тауарды қайтаруға немесе ауыстыруға жатпайды» деген хабарламаларды біз сауда орындарынан жиі кездестіреміз. Бірақ көбіміз бұл хабарламаларға назар аудара бермейміз. Әйтсе де «Тұтынушылардың құқықтарын қорғау туралы» Заңға сүйенер болсақ, бұл сатушылар тарапынан орын алып отырған заңсыз әрекет болып табылады. Тұтынушылардың аңқаулығын пайдаланған сатушылар үшін бұл өте тиімді әрекет. Олай болса қымбатты тұтынушылар өз құқықтарымызды қорғауды үйренейік! Тұтынушылардың құқықтарын қорғау саласындағы мемлекеттік реттеуді Қазақстан Республикасының Үкіметі, уәкілетті орган және өзге де мемлекеттік органдар өз құзыреті шегінде жүзеге асырады. Қазақстан Республикасы Үкіметінің тұтынушылардың құқықтарын қорғау саласындағы құзыретіне мемлекеттік саясаттың тұтынушылардың құқықтарын қорғау саласындағы негізгі бағыттарын әзірлеу, Қазақстан Республикасының Конституциясында, заңдарында және Қазақстан Республикасы Президентінің актілерінде көзделген өзге де өкілеттіктерді жүзеге асыру жатады. Тұтынушылар ерікті негізде тұтынушылардың қоғамдық бірлестіктеріне бірігуге құқылы. Тұтынушының Қазақстан Республикасының тұтынушылар құқықтарын қорғау туралы заңнамасында көзделген құқықтары мен заңды мүдделерін сатушының (дайындаушының, орындаушының) бұзуы салдарынан оған келтірілген моральдық зиян, егер Қазақстан Республикасының заңдарында өзгеше көзделмесе, сатушының (дайындаушының, орындаушының) кінәсі болған кезде сот айқындайтын мөлшерде өтеуге жатады. Тұтынушылардың құқықтары мен заңды мүдделерін қорғауды тиісті мемлекеттік органдар және сот, төрелік немесе аралық сот өз құзыреті шегінде жүзеге асырады. Жоғарыда көрсетілген тұтынушылардың шынайы, Заңмен айқындалған құқықтарымен таныс болыңыздар. Егер барлығымыз бұзылған құқықтарымызды қорғауды талап етсек, оның дұрыс қорғалуын қамтамасыз ете білсек, мүмкін сол кезде барып сатушылар да витриналарға сапалы тауарларды қоя бастар. Ең бастысы сатып алған тауарыңызға чек берілуін талап етіңіз. Ол сізді сотта жақтаушы бірде-бір құрал болып табылады.

«Тұтынушылардың құқықтарын қорғау туралы» Заңды толығырақ сілтеме арқылы біле аласыздар

https://adilet.zan.kz/kaz/docs/Z100000274_/z100274.htm

Өзекті мәселелер бойынша, Түркістан облысы тұтынушылардың құқықтарын қорғау департаментінің сенім телефоны 8771-322-82-82, арқылы хабарласып жауап ала аласыздар. Сонымен қатар қазіргі таңда тұтынушылардын құқықтарын қорғайтын қоғамдық бірлестіктеріне хабарласа аласыздар ″Адал″ қоғамдық бірлестігіне (Түркістан қаласы бойынша) тел: 8771-828-82-32, 8-705-438-95-59, «Мейірім көзі» ҚБ тел: 87013364574, «Оңтүстік-Самұрық» ҚБ тел: 87028199050.