САУРАН: ӨРЕНДЕР ӨНЕРЛЕРІН ОРТАҒА САЛДЫ

Түркістан облысына қарасты Сауран ауданындағы Әшірбек Сығай атындағы жалпы орта мектебі облыстағы мақтаулы мектептердің бірі. Атақты жазушының атын иемденген айтулы мектепте ұдайы мәдени, әдеби кештер жиі ұйымдастырылып тұрады. Одан бөлек, спорттық жарыстарда да мектеп алдыңғы көштен көрініп жүр. Жуырда аталмыш білім ордасында «Жақсы бала — ата-ана қуанышы, мектеп мақтанышы» атты ашық есік күні болып өтті. Ашық есік күні мектеп және ата-ана байланысын жүйелі жолға қойып, ынтымақтастықты нығайту, ата-аналарға жаңартылған білім мазмұнының тиімділігін түсіндіру мақсатында ұйымдастырылды. Аталмыш шараға аудан әкімінің орынбасары Бақытжан Букебаев қатысты. Іс-шара мектеп оқушыларының әртүрлі салалардағы жетістіктерін көрсетті: олимпиадалардағы, жарыстардағы және спорттық жарыстардағы тамаша нәтижелер. Ата-аналар мектептің балаларының дамуына қандай мүмкіндіктер беретінін көріп, оқытудың жаңа әдістері туралы ақпарат алды.
Сондай-ақ ашық есік күні ата-аналарға ұстаздар мен мектеп әкімшілігі таныстырылып, олар бала тәрбиесі мен тәрбиесіне қатысты мәселелерді ашық талқылады. Білім беру бағдарламалары мен мектептің техникалық базасының презентациялары жасалды, сонымен қатар оқушылардың оқу іс-әрекеттері мен шығармашылық жобаларының үлгілері көрсетілді.
Ашық есік күнін ата-аналар оң бағалады, өйткені олар мұғалімдермен жақынырақ араласуға мүмкіндік алды және балаларының жетістігіне көз жеткізді. Мұндай іс-шаралар ата-аналарға балаларының білім алуына байланысты және қатысуын сезінуге көмектеседі, бұл білім беру мекемелерін дамытудың маңызды аспектісі болып табылады.
“Мектеп – парасат пен кемелдікке бастайтын қақпа. Киелі орда ертең мен бүгінді жалғайтын білім ошағы ғана емес, сәулелі болашаққа апарар кеме. Елімізде барлық білім ошақтары ұрпаққа жаңаша бағытта білім беруге атсалысу үстінде. Биылғы оқу жылында Сауран ауданы бойынша алғаш рет Әшірбек Сығай атындағы жалпы орта мектебі Ы.Алтынсарин атындағы Ұлттық білім академиясының ұсынысымен «Назарбаев Зияткерлік мектептері» дербес білім беру ұйымының қолдауымен «Ауылдық аймақтардағы тірек мектептерінің әлеуетін арттыру» әлеуметтік жобасына қатысушы мектептер тізіміне еніп отыр”, — деді аудан әкімінің орынбасары Бақытжан Кеңесбекұлы.
Жоба «Тұрақты Даму Қоры» қоғамдық және «Қазақстан халқына» қорымен бірлесіп іске асырылуда. Аталмыш қордан мектепке 250 млн. теңге көлемінде материалдық-техникалық базаны жаңартуға ұсыныс жасалып, бүгінде мектеп түгел жабдықталып отыр. Бұл жобаға енудегі мақсаты: «Ауылдық аймақтардағы тірек мектептерінің әлеуетін арттыру» жобасын іске асыру, еліміздегі ең үздік мектептерімен тығыз серіктестікте ауыл мектептерінің тиімділігін арттыру болып табылады.
Сондай-ақ, кәсіби білім беру саласында тең жағдай жасау арқылы қала мен ауыл арасындағы білім сапасының алшақтығын азайтуға көмектесу, педагогтердің кәсіби шеберлігі мен шығармашылығын арттыру, мұғалімдерді дамыту және ауыл мектептерінің материалдық-техникалық базасын жабдықтау көзделген.
Бұл білім берудің маңызды саласы, себебі ауылдық мектептерде ресурстар мен оқу мүмкіндіктерін арттыру мәселесі жиі көтеріледі. Бірдей жағдай жасау ауылдан келген оқушылардың сапалы білім алуына және болашақта жұмысқа орналасуына бірдей мүмкіндік береді.
Сонымен қатар, мектеп талай талантты шыңдаған театр сыншысы, өнер зерттеушісі Әшірбек Сығай есімі беріліп, бүгінде Әшекеңнің қара қылды қақ жарған әділдігін, шындыққа іңкәрлігімен қарайтындығы ел есінен мәңгілік орын алған көрнекті қайраткер, жерлесіміздің есімі берілген. Ашық есік күні аясында ата-аналар балаларының шығармашылығын көріп, өнерін тамашалап, білімін бақылап, толғандырған сұрақтарына жауап алып, мектеп тынысымен кеңінен танысты.