ТҮРКІСТАН: МАҚТААРАЛДЫҚ МЕКТЕП ТҮЛЕКТЕРІ АУЫЛҒА КІРЕБЕРІС ҚАҚПА ОРНАТТЫ

Мақтаарал ауданындағы Жаңажол ауылдық округіне қарасты Өргебас ауылының Қ.Аманжолов атындағы жалпы орта мектебінің 10 жыл бұрынғы түлектері ауылдың кіре берісіне арнайы қақпа орнатты. Түлектер тарту еткен қақпада шаңырақ пен ою-өрнек бейнеленген. Сонымен қатар, қақпа түнгі уақытта да жарқырап, ауылдың түнгі көрінісіне көрік қосып тұр.

Бүгінде ауылда 200-ден астам отбасы тұрады. Онда жаңа мектеп, балабақшалар, медициналық және полиция пункттер бой көтерген. Одан бөлек, ауыз су және электр жүйелері жаңарып, барлық көшеге асфальт төселген. Сондай-ақ, демеушілердің қолдауымен бірнеше әлеуметтік нысандар мен мешіт, аялдамалар ел игілігіне берілген.