ТҮРКІСТАН ОБЛЫСЫНДА ЕСКЕК ЕСУ СПОРТЫ ҚАРҚЫНДЫ ДАМЫП, СПОРТШЫЛАР ЖҮЛДЕМЕН ОРАЛУДА

Облыс әкімінің тапсырмасымен аймақта спорт нысандарының қажеттілігіне мониторинг жұмыстары жүргізілді. Нәтижесінде 108 спорт кешенін салу және 48 ғимаратқа жөндеу жұмыстарын жүргізу қажет екені анықталды. Бүгінгі таңда облыс аумағында 3540 спорт нысаны тіркелген. Оның 2577-сі білім беру мекемелерінде болса, әкімдік теңгерімінде 543 нысан бар. 270 нысан жеке меншікте, ал 150 нысан спорт мекемелерінің меншігінде. Басқармаға бағынысты және қала, аудан әкімдіктеріне қарасты 100 спорттық ұйым қызмет атқаруда. Жөндеуді қажет ететін спорт нысандарына да жыл сайын кезең-кезеңімен қаржы бөлінуде. Дәлірек айтқанда, биыл 14 ғимаратқа жөндеу жұмыстары жүргізіледі. Спорт нысандарына қажеттілікті азайту мақсатында 2025 жылы 51 спорт нысанның құрылысын аяқтау жоспарланып отыр. Сонымен қатар өңірзаманауи спорт нысандарын жүйелі түрде құрып, ауыл және қалалық аймақтарды спортпен қамтуды кеңейтуде. Орталық және ауылдық деңгейлерде дамыту жоспарлары белсенді іске асуде: Теннис орталығы, ескек есу арнасы, олимпиадалық резервтер мектебі және Қажымұқан атындағы кешен сияқты жобалар құрылыс кезеңінде немесе пайдалануға берілген.

Түркістан облысында спорт инфрақұрылымы қарқынды дамып келеді. Түркістан өңірі биыл облыс көлемінде бұқаралық спортты дамыту, спортшыларға заманауи жағдай жасау және жастар арасында салауатты өмір салтын насихаттау мақсатында соңғы жылдары спорт инфрақұрылымын дамытуға ерекше басымдық берілуде. Қазіргі таңда өңірде түрлі деңгейдегі 4 600-ден астам спорт нысаны халық игілігіне қызмет етіп жатыр.

Аймақта ірі спорт нысандарының бірі – «Turkistan Arena» стадионы 7 000 орынға есептеліп, халықаралық талаптарға сай бой көтерген. Бұл кешенде футбол матчтарымен қатар, жеңіл атлетика, бокс, гимнастика секілді түрлі спорт түрлерінен жарыстар тұрақты өтеді.

«Ауыл – ел бесігі» бағдарламасы аясында облыстың шалғай елді мекендерінде де спорт инфрақұрылымдары салынуда. Сауран ауданы, Оранғай ауылында 1 800 м² болатын көпсалалы спорт кешені ашылып, жастардың күнделікті жаттығуларына жағдай жасалды. Ордабасы ауданында, Төрткөл мен Темірлан елді мекендерінде заманауи спорт кешендері бой көтеріп, күрес, футбол, волейбол, бокс және басқа спорт түрлері бойынша үйірмелер жұмысын бастады. Сарыағаш ауданы мен Кентау қаласындағы мектептерде жаңа спорт залдар мен жаттығу базалары салынуда.

Бүгінде Түркістан облысында спортпен жүйелі түрде шұғылданатын тұрғындардың үлесі 39 пайызға жетті. Жыл сайын мыңнан астам спорттық іс-шаралар ұйымдастырылып, аймақ спортшылары республикалық және халықаралық ареналарда жоғары нәтиже көрсетіп келеді. Мәселен, облыстық су спорт түрлері мектебінің спортшылары бір жылдың ішінде 493 медаль жеңіп алып, үздіктер қатарынан көрінді.

Түркістан облысы заманауи спорт инфрақұрылымын дамыту арқылы өңір жастарының әлеуетін арттыруда және бұқаралық спортты дамытудың үлгілі үлгісін көрсетуде. Болашақта салынып жатқан халықаралық стандарттарға сай кешендер мен спорт арналар облысты Орта Азиядағы ірі спорт орталығына айналдыруға негіз болады. Айта кетейік, Түркістан облысында спорт қарқынды дамып келеді. Өңірде 29 олимпиадалық, 34 ұлттық және олимпиадалық емес спорт түрлері дамып жатыр. Биыл Түркістан облысының спортшылары әлем чемпионаттарынан 106 медаль, Азия чемпионаттарынан 214 медаль жеңіп алды. Дүниежүзілік көшпенділер ойындарында 16 алтын, 10 күміс, 5 қола медаль олжалады.