ТҮРКІСТАН ОБЛЫСЫНДА ҚҰРЫЛЫС САЛАСЫНДА БІРҚАТАР ЖОБАЛАР ЖҮЗЕГЕ АСПАҚ

Түркістан облысында құрылыс саласы қарқынды дамып, әлеуметтік және инфрақұрылымдық жобалар жүзеге асырылуда. Бұл бастамалар өңірдің экономикалық әлеуетін арттыруға, халықтың өмір сүру сапасын жақсартуға және жаңа жұмыс орындарын ашуға бағытталған. 2025 жылы ұлттық қор, республикалық және облыстық бюджет есебінен 485 нысанның құрылысына 224,1 млрд теңге бөлінген. Оның ішінде: 97 көпқабатты тұрғын үйдің құрылысы аяқталады — бұл 6 000-нан астам отбасы үшін жаңа баспана мүмкіндігін береді. 100-ге жуық әлеуметтік нысан пайдалануға беріледі — оның ішінде мектептер, ауруханалар, мәдениет үйлері мен спорт кешендері бар. Өңірдегі құрылыс саласындағы жұмыстар аймақ басшысының жіті бақылауында. Облыста инфрақұрылым саласында да ауқымды жұмыстар жүргізілуде: 160-тан астам жоба іске асырылады — оның ішінде ауыз су, газ, электр энергиясы және жылумен жабдықтау нысандарының құрылысы бар .Жаңа қосалқы станциялар салынып, электр желілері жаңартылуда, бұл өңірдегі энергетикалық қауіпсіздікті қамтамасыз етеді.

Түркістан облысында инвестициялық жобалар да жүзеге асырылуда: 110 инвестициялық жоба іске асырылады — жалпы құны 2,3 трлн теңге болатын жобалар өңірдің экономикалық дамуына елеулі үлес қосады. Жаңа индустриалдық аймақтар құрылуда — бұл аймақтарда 84 жоба іске асырылып, 6 000-нан астам жаңа жұмыс орны ашылады. Құрылыс сапасын бақылау мақсатында облыста тиісті шаралар қабылдануда. 822 тексеру жүргізіліп, 255 млн теңгеге жуық айыппұл салынды — бұл құрылыс сапасын арттыруға бағытталған қадамдар.Үш мердігер компания лицензиясынан айырылды — бұл құрылыс саласындағы заң бұзушылықтарға қарсы күресті күшейтеді.

Түркістан облысында құрылыс саласы қарқынды дамып, әлеуметтік және инфрақұрылымдық жобалар жүзеге асырылуда. Бұл бастамалар өңірдің экономикалық әлеуетін арттыруға, халықтың өмір сүру сапасын жақсартуға және жаңа жұмыс орындарын ашуға бағытталған. Облыс әкімдігі құрылыс саласындағы жұмыстарды жандандырып, сапалы әрі уақытылы жүзеге асырылуын қамтамасыз етуге күш салуда. Ал Түркістан қаласы бойынша тұрғын үй құрылысы қарқынды жүріп, өңірдің тұрғындарын сапалы әрі қолжетімді баспанамен қамтамасыз ету мақсатында ауқымды жобалар жүзеге асырылуда. Бұл жұмыстар қаланың әлеуметтік-экономикалық дамуын жеделдетіп, тұрғындардың өмір сүру деңгейін арттыруға бағытталған.

Биыл Түркістан қаласында жалпы ауданы 866,4 мың шаршы метр тұрғын үй пайдалануға беріледі деп жоспарланып отыр. Бұл көрсеткіш өткен жылдармен салыстырғанда айтарлықтай өсу болып табылады және қала тұрғындарының тұрғын үй мәселесін шешуге үлкен мүмкіндік береді. Қалада көпқабатты тұрғын үйлердің құрылысы белсенді жүріп жатыр. Атап айтқанда, Түркістан қаласының әкімшілік-іскерлік орталығында 5, 7, 9, 12 және 20 қабатты 60 тұрғын үйдің құрылысы жүргізілуде. Бұл үйлердің жалпы ауданы бірнеше жүз мың шаршы метрге жетеді, бұл мыңдаған отбасыларды жаңа баспанамен қамтамасыз етуге мүмкіндік береді. Сонымен қатар, қаладағы бірнеше жаңа тұрғын аудандар құрылып, инфрақұрылыммен жабдықталуда.

Түркістан қаласында тұрғындарды қолжетімді тұрғын үймен қамту үшін мемлекеттік бағдарламалар белсенді іске асырылуда. Бұл бағдарламалар аясында Аз қамтылған және көпбалалы отбасыларға жеңілдікті несиелер мен әлеуметтік қолдау көрсетіледі. Жас отбасыларға арналған арнайы тұрғын үй жобалары жүзеге асырылуда. Қалада тұрғын үй құрылысына шетелдік және қазақстандық инвесторлар тартылуда. Жаңа тұрғын үйлер салумен қатар, қала инфрақұрылымын дамытуға да ерекше көңіл бөлінуде. Мәселен көлік жолдары, мектептер, балабақшалар, медициналық мекемелер және ойын-сауық орындары салынып, немесе жаңартылуда. Қала орталығы мен жаңа тұрғын аудандар арасында тұрақты қоғамдық көлік желісі қамтамасыз етілуде.

Түркістан қаласындағы тұрғын үй саласының дамуы — өңірдің әлеуметтік тұрақтылығы мен экономикалық өсуінің кепілі. Қала билігі тұрғындардың баспана мәселесін шешуге бағытталған барлық жобаларды қолдап, сапалы әрі қолжетімді тұрғын үй құрылысына барынша мән беруде. Бұл жұмыстар халықтың өмір сапасын арттыруға және Түркістанды еліміздің тартымды әрі дамыған қалаларының біріне айналдыруға ықпал етеді.

Мемлекет басшысының тапсырмасымен тұрғын үйді жалдау ақысының 50 %-ын субсидиялау тетіктері енгізілген. Белгіленген шарттарға сәйкес, 1 және 2 топтағы мүгедектерге, жетім балаларға, мүмкіндігі шектеулі балалары бар отбасылар мен көпбалалы отбасылар тұрғын үй субсидиясын ала алады. Бүгінгі таңда субсидия алушылардың саны 2 407 отбасыны құрайды. Қаржыны мақсатты пайдалану бойынша жүргізілген мониторинг жұмыстарының нәтижесінде, субсидия алушылардың деңгейі 61 %-ға төмендеді. Бұл жұмыстар жүйелі түрде жалғасады.