Түркістан облысының полицейлері жазғы киім үлгісіне көшті
Наурыз мерекесі қарсаңында Түркістан облысы Полиция департаментінде жазғы киім нысанына көшу, мереке мен демалыс күндері азаматтардың құқықтық тәртібін, қауіпсіздігін қорғау мақсатында қызмет атқарудың күшейтілген күн тәртібіне өтуіне байланысты гарнизондық жиын өтті. Саптық байқауды облыстың бас полицейі Мұрат Қабденов жүргізді.
Жиынға Полиция департаментінің басшылығы мен аппарат қызметкерлері, учаскелік полиция инспекторлары мен патрульдік полицейлер, Түркістан, Кентау ҚПБ-ның жеке құрам қызметкерлері, Түркістан облысы бойынша Ұлттық ұланның әскери қызметшілері мен 50-ден астам автотранспорт бірлігі қатысты.
Полиция генерал-майоры М. Қабденов жеке құрамның мереке қарсаңында қоғамдық тәртіпті сақтау, қылмысқа қарсы күрес, азаматтардың құқықтарын қорғау жөніндегі міндеттерді орындауға дайындығын пысықтап, лайықты қызмет атқаруды тапсырды.
Сонымен қатар полицейлердің құқық бұзушылықтардың алдын алуға және жол қауіпсіздігін нығайтуға, оның ішінде жүргізіліп жатқан жедел-профилактикалық іс-шараларға назар аударуын тапсырды. Одан әрі тәртіп сақшыларының сыртқы келбеті мен жинақылығын жеке бағалап, Ішкі істер органдары қызметкерлерінің саптық жарғы ережелерін меңгеруін анықтап, қызметкерлердің киім киісі талаптарына сай болуын қадағалады. Патрульдік полицияның қызметтік автокөліктеріне де тексеру жүргізді.
Гарнизондық байқау соңында тәртіп сақшылары мен Ұлттық ұланның әскери қызметшілері салтанатты шерумен өтіп, қызметтік міндеттерін орындауға жіберілді.
Leave a reply
Infonews ақпарат агенттігіне 2021 жылғы 19 наурызда ҚР Ақпарат және Коммуникация министрлігінің №KZ66VPY00033664 куәлігі берілген.
