ШЫМКЕНТТЕ ШАХМАТАН ЖАСӨСПІРІМДЕР АРАСЫНДА ҚАЗАҚСТАН ЧЕМПИОНАТЫ ӨТЕДІ
Тәуелсіздіктің отыз жылдығына орай қала әкімі Мұрат Әйтеновтің бастамасымен Шымкентте шахматтан жасөспірімдер арасында Қазақстан чемпионаты өтеді деп жоспарлануда. Аталған чемпионатты Шымкент қаласы әкімдігі мен Қазақстандық шахмат федерациясы ұйымдастыруда. «Шымкент – еліміздің шахмат астанасы» брендін қалыптастыру аясында қолға алынған спорттық сайыс алдағы шілде айының 20-30 жұлдызы аралығында өтеді деп жоспарланып отыр.
Іс шараның мақсаты — халықаралық шахмат аренасында Қазақстанның оң имиджін қалыптасыра отырып, Шымкентті зияткерлік шаһарға айналдыру. Сондай-ақ, шахматтан жаңа есімдерді анықтау.
Айта кетейік, «Шымкент – Қазақстанның шахмат астанасы» брендін қалыптастыру бастамасын қолдап, ерекше қуанышпен қабылдағандардың бірі- Қазақстандық шахматшы Жансая Әбдімәлік болды.
жиырма бір жастағы Жансая әйелдер мен ерлер арасында халықаралық гроссмейстер атағын алған Орталық Азияның алғашқы өкілі.
Қазіргі таңда әлемнің үздік шахматшылары көшін бастап тұрған жерлесіміздің жеңісті жолы мен қолдауы – жас шахматшыларға шабыт сыйлары сөзсіз.
Leave a reply
Infonews ақпарат агенттігіне 2021 жылғы 19 наурызда ҚР Ақпарат және Коммуникация министрлігінің №KZ66VPY00033664 куәлігі берілген.
