2024 жылы ең төменгі жалақы мен зейнетақы көлемі қандай болады?

“2024-2026 жылға арналған республикалық бюджет туралы” заң жобасында 2024 жылға арналған ең төменгі жалақы мен зейнетақы көлемі белгіленді, деп хабарлайды Infonews.kz сайты.

Қаржы министрлігі дайындаған заң жобасы “Ашық НҚА” сайтында жарияланған және жалақы мен өзге төлемдер мөлшері 2024 жылдың 1 қаңтарында белгіленеді:

• Ең төменгі жалақы – 70 000 теңге;
• Мемлекеттік базалық зейнетақы төлемінің ең төменгі мөлшері – 28 215 теңге;
• Ең төменгі зейнетақы көлемі – 57 853 теңге;
• Әлеуметтік төлемдер мөлшерін есептеуге арналған ең төменгі күнкөріс деңгейі – 43 407 теңге.

Айта кетейік, аталған заңға сәйкес келер жылы АЕК көлемі 3692 теңге болады.