ҚАЛА ӘКІМІ ЖАҢАТАЛАП ТҰРҒЫН АЛАБЫНДАҒЫ ИНФРАҚҰРЫЛЫМ ЖҮЙЕЛЕРІНІҢ ҚҰРЫЛЫСЫМЕН ТАНЫСТЫ
Шымкент қаласының әкімі Мұрат Әйтенов Абай ауданындағы тұрғын алаптарда инфрақұрылым жүйелерінің құрылыс барысын аралап көрдідеп хабарлайды Infonews.kz Шымкент қаласы әкімдігінің баспасөз қызметіне сілтеме жасап.
Қала әкімі алдымен Жаңаталап тұрғын алабына барды. Бүгінде елдімекенде ішкі ауызсу жүйелерінің құрылыс-монтаждау жұмыстары атқарылуда. 89,6 шақырым ауыз су құбырының 77,9 шақырым жұмыстары орындалды. Мердігер «СМК и 7-Ж» ЖШС жобаны 2021 жылдың 4 тоқсанында аяқтауды жоспарлап отыр.
Электр желілерінің жалпы ұзындығы – 42,2 шақырым. Құрылыс жұмыстары мердігер «ГХ» Шымкентгаз» ЖШС тарапынан жүргізілуде. Құрылысты 2022 жылғы IV тоқсанында аяқтау жоспарда.
Сондай-ақ, қала әкімі шағал тас төсеу жұмыстарының барысын бақылады. Жаңаталап тұрғын алабында жалпы ұзындығы 8,76 шақырым 30 көшеге қиыршық тас жолдар салу жұмыстары жүргізілген. Жалпы Абай ауданы бойынша шағал тас төсеу жұмыстары 100 % аяқталған.
айта кетейік жоспарға сәйкес Қойбағаров көшесінде 900 м жолға орташа жөндеу жұмыстары 100% аяқталды.
Leave a reply
Infonews ақпарат агенттігіне 2021 жылғы 19 наурызда ҚР Ақпарат және Коммуникация министрлігінің №KZ66VPY00033664 куәлігі берілген.
