Home›Басты жаңалықтар›КӨГАЛДАНДЫРУ ЖҰМЫСТАРЫ КЕСТЕГЕ САЙ ЖҮРГІЗІЛУДЕ

КӨГАЛДАНДЫРУ ЖҰМЫСТАРЫ КЕСТЕГЕ САЙ ЖҮРГІЗІЛУДЕ

7 августа, 2021

168

Шымкенттің келбетін келісті етіп, әрін арттыратын – оның жайқалған жасыл желегі. Қаланың шырайын шұғылалы ету мақсатында Әл-Фараби ауданын жасылдандыру жұмыстары қарқынды жүргізілуде. Бүгінде аудан аумағында жасыл-желектерді суғару, газондарды қырқып ретке келтіру жұмыстары атқарылып жатыр.

Сондай-ақ, тал-теректер отырғызып, оларға күтім жасау – ауданымыз үшін аса маңызды әрі қажетті жұмыстардың бірегейі. Биыл көктемде ауданның басты көшелерінің бойына қондырылған туя шыршалары тамырын кеңге жайып, жақсы өніп-өсуі үшін оларға арнайы қоршаулар жасалды. Шыршаларға суғару, күтіп баптау жұмыстары күнделікті жүргізілуде.

Аталған жұмыстар «Build stroi» мекемесі тарапынан жүргізілуде. Көгалдандыру жұмыстары одан әрі жалғаса бермек.

Сондай-ақ аудан аумағындағы жасыл желектерді күтіп, баптап ұстау жұмыстары да кестеге сай жүргізілуде. Осыған сәйкес,бұған дейін ауданға қарасты Республика даңғылы, Жангелдин, Қазыбек би, Тоқаев, Рашидов, Байтұрсынов көшелеріндегі талдар мен гүлдер суарылды. Сондай-ақ талдардың қураған бұталары қырқылып, түптері әктелді.

Биыл ауданда көктем мезгілінде Жангелдин, Қалдаяқов, Жансүгіров, Терешкова көшелеріне тал егіліп, басты көшелердің бойындағы 17 420 дана ағаш түптері əктеліп, қопсытылды. Сонымен бірге, аумаққа 18 525 түп роза гүл егілді. Оған қоса, 6 370 дана тұт, емен, қараағаш сынды және 427 дана қылқан жапырақты көшет отырғызылды.