«ШАҢЫРАҚ» БАҒЫТЫ БОЙЫНША ТҰРҒЫН ҮЙЛЕРДІ ТІРКЕУ ЖҰМЫСТАРЫ ЖҮРГІЗІЛУДЕ

Шымкент қаласында «Шаңырақ» бағытымен азаматтарға қолданысқа тапсырылатын несиелік 27 тұрғын үйді мемлекеттік органдармен тіркеу жұмыстары басталды. Тұрғын үйді тіркеу жұмыстары 1 ай уақыт алуы мүмкін. Несиелік бағыттағы пәтерлер толығымен тұрғын үй басқармасының теңгеріміне өткізілген соң азаматтар сатып алу туралы келісім шартын жасасатын болады. Нәтижесінде Шымкент қаласы бойынша «Нұрлы жер» мемлекеттік бағдарламасы аясында «Шаңырақ» бағытымен тұрғын үй кезегінде тұрған 1728 азамат несиелік баспанаға қол жеткізеді.

Айта кету керек, аталған бағыт бойынша ағымдағы жылы «Отбасы банк» өзінің интернет ресурстары арқылы тұрғын үй кезегінде тұрған азаматтар арасында 27 тұрғын үйді сату бойынша өтінімдер қабылдаған болатын. Бірінші кезеңдегі 576 пәтер бойынша осы жылдың наурыз-сәуір айлары аралығында конкурс өткен. Нәтижесінде, 590 өтінім қабылданып, 288 азаматтың өтінімдері мақұлданған. Екінші кезең бойыша 512 пәтерге 2021 жылдың сәуір-мамыр аралығында конкурс өткізіліп, нәтижесінде, 1084 өтінім қабылданды. Үшінші кезеңге сәйкес, 640 пәтерге биыл мамыр-маусым аралығында конкурс өткізіліп, нәтижесінде 1240 өтінім қабылданған. Қазіргі таңда банк тарапынан конкурсқа қатысқан азаматтардың төлем қабілетін растау жұмыстары жүргізілуде.

Бұдан бөлек, барлық қалған несиелік бағыттағы пәтерлер бойынша аталған 3 кезең біткеннен кейін тағы конкурс жүргізілу жоспарлануда. Сонымен қатар, «Нұрлы жер» мемлекеттік бағдарламасы аясында несиелік бағытта баспана алуды көздеген азаматтарға бастапқы жарна мөлшерінің бір бөлігін жабу үшін мемлекеттен қолдау тапқан тұрғын үй сертификатына қатыса алады.

Қосымша туындаған барлық сұрақтар бойынша:

8(7252) 56-62-90

8(7252) 56-62-89