ҚАЛА АУМАҒЫНДАҒЫ БАЗАРЛАРДЫҢ ЖҰМЫСЫ ДЕМАЛЫС КҮНДЕРІ ШЕКТЕЛЕДІ

Шымкент қаласында өткен тәулік ішінде 8473 адам вакцина салдырды: I компонент-4731, II компонент-3742. Егу науқаны басталғалы барлығы 325 354 адам вакциналанды. Оның ішінде 198 008 адам вакцинаның екі компонентін алды.

Сонымен қатар, 13 шілде күні КВИ-дің 342 жағдайы тіркелді (белгілері бар – 254, белгілері жоқ – 88). 78 адам инфекциялық стационарға жатқызылып, 264 адам үй бақылауына алынды.

Қазіргі таңда мамандандырылған инфекциялық стационарларда барлығы 2196 орын бар. 2021 жылғы 13 шілде күні қалада 303 нысанға тексеру жұмыстары жүргізілді. Оның ішінде 23 нысанда карантин режимінің талаптары бұзылғандығы анықталып, әкімшілік хаттамалар толтырылды.

Шымкент қаласында эпидемиологиялық жағдай күрделі. Қала тұрғындарын қоғамдық орындарда бетперделік режимді сақтап, тезірек екпе алуға шақырамыз.

Шымкент қаласының бас мемлекеттік санитарлық дәрігері қалыптасқан эпидақуалға қатысты жаңа қаулы шығарды. Енді қалада сенбі, жексенбі, мереке күндері қоғамдық көліктер жүрмейді. Базарлардың  жұмысы да демалыс күндері шектеліп, тек жұмыс күндері 20:00-ге дейін істейді. Індеттің беті қайтқанша  аптап ыстық болса да акваорталықтарға бара алмайсыз. Жаңа қаулыға сай, халық шоғыры көбейген жабық шомылу орындарының жұмысына тыйым салынып отыр.