САЙРАМ АУДАНЫНДА ТІГІН ФАБРИКАСЫ АШЫЛДЫ

Сайрам ауданының Қарабұлақ елді мекенінде «RaiINTEX» компаниясының тігін филиалы іске қосылды. Кәсіпорын жылына 120 000 арнайы форма (ІІМ) тігуге қауқарлы. Жобаға жұмсалған жалпы инвестиция көлемі 80 млн. теңгені құрайды. Түркістан облысының Кәсіпкерлік және өнеркәсіп басқармасы мен Сайрам ауданының әкімдігінің өкілдері өндіріс орнында болып, кәсіпорынның ресми ашылуына қатысты.

Аталған инвестициялық жоба барысында 110 жаңа жұмыс орны пайда болады. Қазіргі уақытта кәсіпорын 30-дан аса маманды жұмыспен қамтамасыз етіп үлгерді. «RaiINTEX» ЖШС-і Сайрам ауданына өндірістік қуаттарын кеңейтуде үлкен әлеуетке ие. Себебі Сайрам ауданы облыс бойынша ауыл шаруашылығы өнімінің көлемі бойынша көш бастап тұр. Ал өнеркәсіптік өндіріс көлемі бойынша екінші, халық саны бойынша 226,2 мың адамды құрап 1-ші орында.

Алдағы уақытта аталған компания Көлкент ауылдық округінде тағы бір тігін филиалын іске қосуды көздеп отыр. Жобаны іске қосу өңірде ішкі нарықты отандық өнімдермен қамтамасыз ету көлемін арттыруға, жаңа жұмыс орындарының ашылуына және халықтың әл-ауқатын көтеруге өз септігін тигізеді.

Айта кетейік, Түркістан облысында 150 мыңға жуық шағын және орта бизнес субъектілері жұмыс істейді. Өңірде кәсіпкерлікті қолдау бағытында жүйелі жұмыстар атқарылуда.

Мемлекет басшысы Қасым-Жомарт Тоқаевтың «10 мың тұрғынға 100 тұрақты жұмыс орнын ашу» жөнінде берген тапсырмасына сәйкес, ауданымызда 2171 жаңа жұмыс орнын ашу міндеттелген. Бұл ретте 1870 жұмыс орны ашылып, тапсырма 86 % орындалды. Ұлттық жобалар аясында аудан аумағында 32 жобаны іске асыру барысында,302 жаңа орнын құру жоспарланған. Бүгінгі күнге, 27 жоба басталып 188 жұмыс орны ашылды. Атаулы әлеуметтік көмекті алушылар санатындағы 76 азаматқа «Ауыл аманаты» жобасы бойынша микрокредит беру жоспарланған. Ақбұлаққа- 3,Жібек- жолына – 56 Қайнарбұлаққа-7, Көлкентке – 11 және басқа ауылдық округтеріндегі -52 адамға беруге міндеттеліп отыр. Ал, 21- 35 жас аралығындағы 37 азаматқа өз кәсіптерін ашуға жылдық сыйақы мөлшері 2,5% пайызды құрайтын микро кредит беру жоспарланған. Бүгінгі күнге дейін «Аграрллық несие корпорациясы» АҚ –на ауданымыздың 48 тұрғынынан өтініш түсіп, олардың 10- ына қаржы берілді.