Шымкенттік спортшылардың жыл басынан бері жеткен жетістіктері

0
46

Жыл басынан бері Шымкенттік спортшылар Қазақстан Республикасының чемпионаттары, кубогтары мен біріншіліктерге қатысып 315 алтын, 239 күміс, 284 қола медаль жеңіп алды.
Азия чемпионатары мен кубогтарында қала спортшылары 3 алтын, 3 күміс, 3 қола медальге қол жеткізсе, Әлем чемпионаттары мен кубоктарында 1 алтын, 5 күміс және 7 қола медальге ие болды.
5 айда 3 халықаралық дәрежедегі спорт шебері, 64 — Қазақстан Республикасының спорт шебері, 102 — спорт шеберіне үміткер спортшылар дайындалды.
Ал әр төрт жылда бір рет өтетін Қазақстан Республикасының V Жастар спорттық Ойындарында жастарымыз спорттың 36 түрінен бақтарын сынап, бүгінде Шымкент қаласының құрама командасы 663 ұпаймен жалпы командалық есепте 2-орында келеді.1-ші және 3-ші орында Алматы қаласы мен Алматы облысы келеді.Жарыстың қорытындысы ағымдағы жылдың тамыз айында анықталады.
Сондай-ақ, биыл айтулы шаралардың бірі — ХХХІІ-ші Жазғы Олимпиада Ойындары ағымдағы жылдың 23 шілде – 8 тамыз аралығында Токио қаласында өтеді. Әлем көз тігіп отырған үлкен додаға Қазақстан Республикасының Ұлттық құрамасы сапына енген спортшыларымыз қызу дайындық үстінде.
Бүгінгі таңда Шымкент қаласының спортшылары Жазғы Олимпиада Ойындарына 9 жолдаманы жеңіп алды. Атап айтар болсақ: оқ ату спорт түрінен -Юрий Юрков, стенд атудан- Сарсенкүл Рысбекова, Зоя Кравченко, каратэден Дархан Асадилов, күні кеше жеңіске жеткен – Данияр Юлдашев,бокстан- Закир Сафиуллин,байдарка және каноэ есуден (К-2) Емельянов Тимофей және Емельянов Сергей, көркем гимнастикадан Алина Адилханова.
Алдағы уақытта дзюдодан- Галбадрах Отгонцэцэг, Нышанбаева Севара, каратэден Берульцева Софья, батуттық гимнастика Алиев Пирмаммадтарға үміт артылып отыр.

Leave a reply

Ақпарат қорғалған