Түркістанда биыл 200 мың түп көшет егіледі

Түркістанды жасыл қалаға айналдыру және ағаштарды көбейту,оларды күтіп-баптау жұмыстары бойынша 2022 жылдың қорытындысына сәйкес, қала аумағында көктем айларында 50 мың, күз айларында 150 мың түп, жалпы саны 200 мың түп жеміс ағаштары және сәндік ағаштар егілді.

Олардың қатарында, шие, өрік, алма, қылқан, қарағай, арша, сәндік ағаштар, айлант, ива, платан, қара ағаш түрлері бар.

Сонымен қатар, шаһар аумағында 225 гектарда 30 саябақ, 14 гектарда 15 гүлзар мен аллеялар, 130 гектарға жуық аумақта 9 алаң бар.

Одан бөлек,қала көшелері мен саябақтарына 200 мың түрлі бір және көп жылдық гүлдер егілді.

380 га аумақта ағаштарды дәрілеу және тыңайтқыштармен қоректендіру жұмыстары жүргізілді.

Аталған жұмыстарды “Жасыл Түркістан” КММ-нің 250 көгалдандырушы және мердігерлер тарапынан 2200 жұмысшы атқарып келеді.

Тазалау, суғару, қоқыс шығару, жасыл желектерді күтуге арналған, қардан тазартуға, сыпыру мен жолақтарды жууға арналған т.б жұмыстар жүргізетін 450 үлкен –кіші техника бар.

248 нысанда күнделікті санитарлық тазалық жұмыстары атқарылуда.