Шымкентте ірі техника дүкеніндегі өрт: Тұрғындар техниканы сыртқа шығаруға көмектесті

Шымкентте Ордабасы алаңындағы ірі өрт тұрмыстық техника дүкеніне үлкен шығын келтірді. Бұл туралы Infonews.kz Otyrar.kz сайтына сілтеме жасап хабарлайды.

Екі қабатты ғимараттың шатыры 15:24-те жана бастады, жалын лезде жеке қоймаға тарады. Оның ішінде тұрмыстық техника болды және өнімнің көп бөлігі өртеніп кетті.

«150 шаршы метр екі қабатты “Темірлан» тұрмыстық техника дүкенінің шатыры, сондай-ақ 650 ш.м. қойма өртенді. Алаудың жалпы ауданы – 800 ш. м», – делінген Шымкент ТЖД хабарламасында.

Өрт сөндірушілер өртті сөндіріп жатқанда, тұрғындар техниканы дүкеннен шығара бастады. Еріктілер тоңазытқыш, мұздатқыш, жабдықтары бар қораптарды сыртқа тізіп қойды.

Өрт сағат 16:45-те оқшауланды және құтқарушыларға оны толығымен сөндіру үшін бір сағатқа жуық уақыт қажет болды. Зардап шеккендер мен қаза тапқандар туралы ақпарат жоқ.

Құтқарушылар уақытында бес газ және бір оттегі балонын қауіпсіз жерге шығарды. Оқиға орнына ТЖД-ның 120 қызметкері, 17 бірлік техника және Апаттар медицинасы орталығы филиалының бригадасы барды.

Өрт туралы алғашқы бейнероликтер пайда болған сәттен бастап Шымкент қаласының әкімі Марат Әйтенов алаңға шықты. Өрттің себебі анықталуда.