Қазақстанда қант қымбаттай ма? — министр жауап берді

Премьер-Министрдің орынбасары – Сауда және интеграция министрі Серік Жұманғарин күзде қант бағасының өсуі мүмкін бе деген сұраққа жауап берді. Бұл туралы Infonews.kz сайты хабарлайды. 

«Қант қымбаттамайды деп ойлаймын. Бірақ мұндай жағдай орын алса, қазақстандық нарықпен байланысы болмайды. Яғни бұған Үкіметтің отандық қант зауыттарын қолдау мақсатында қабылдайтын шешімі ықпал етуі мүмкін немесе қазіргі Ресей нарығында болып жатқан процестер әсер етуі ықтимал», — деді Жұманғарин Үкімет отырысынан кейін тілшілер сұрағына жауап бере отырып.