Назарбаев: «Жаңа Қазақстанды құру жолындағы еңбегіме Алла берекесін берді»

Қазақстанның бұрынғы президенті Нұрсұлтан Назарбаев елордада жаңа мешіттің ашылуы еліміздің барша тұрғындары үшін маңызды оқиға екенін айтты, деп хабарлайды Bugin.kz порталы. 

Мешіттің салтанатты ашылуында экс-мемлекет басшысы барша қонақтарға ризашылығын білдіріп, «жаңа және тәуелсіз Қазақстанды» құру жолындағы еңбегіне Алла тағала береке бергенін айтты.

«2019 жылдың наурыз айында мемлекет басшысы ретінде өкілеттілігімді тапсырар алдында мен осы мешіттің алғашқы кірпішін қаладым. Тәуелсіз мемлекетіміз гүлдене берсін деп тілейміз. Мешіттер исламның негізгі құндылықтарын насихаттайды, халықты біріктіреді және Мешітіміз халықтың әл-ауқатына үлес қосады Менің ойымша, жаңа тәуелсіз Қазақстанды құру жолындағы еңбегіме Алла берекесін берді», — деді Назарбаев.