БАСКЕТБОЛДАН ҚАЗАҚСТАН РЕСПУБЛИКАСЫНЫҢ ЧЕМПИОНАТЫ БАСТАЛДЫ

Түркістанда Балуан Шолақ спорт кешенінде 2008-2009, 2012-2013 жылы туылған қыздар арасында баскетболдан Қазақстан Республикасының чемпионаты басталды. Рухани шаһардағы жарыс қарашаның 11-19 аралығында өтіп, жеңімпаз команда анықталатын болады.

Жарысқа Алматы, Астана, Шымкент қалаларынан, Повладар, Ақтөбе, Жетісу облыстарынан және Түркістаннан, Түлкібастан, Сайрамнан жалпы 12 команда қатысуда.

Жарыстың ашылу салтанатына Түркістан облысының дене шынықтыру және спорт басқарма басшысының орынбасары Жазира Муслимова, баскетболдан Қазақстан Республикасының бас бапкері, жастар арасындағы ҚР чемионаттарының бас жетекшісі Иван Гайна және Түркістан облысы дене шынықтыру және спорт басқармасының «Түркістан қалалық №2 балалар мен жасөспірімдер спорт мектебінің директоры Ануар Сарсенбаев қатысып, спортшыларға сәттілік тіледі.