ТҮРКІСТАН: ОТЫРАРДАҒЫ АУЫЛДАРДА АУЫЗ СУ МӘСЕЛЕСІ ШЕШІМІН ТАУЫП КЕЛЕДІ

Түркістан облысында ауыз су саласына 2023 жылы 70 нысанның құрылысына бюджеттен 18,6 млрд. теңге бөлініп, 36 нысан құрылысы аяқталды, қалған 34 нысан 2024 жылға өтпелі болды. Нәтижесінде 20 елді мекен ауыз сумен қамтылды, 9 елді мекеннің тозығы жеткен су құбырлары қайта жаңартылды. Сонымен қатар 3 елді мекенде (Сарыағаш, Төлеби, Қазығұрт) су тазалау имараты мен су жинау қоймасы, 15 мөлтек ауданда су құбырлары салынды. 2023 жылдың қорытындысымен, 800-ден астам елді мекеннің 739-ы (7 қала, 732 ауылдық елді мекен) немесе 89,1% ауыз сумен қамтамасыз етілді.

Мемлекет басшысының тапсырмасына сәйкес, 2025 жылдың соңына дейін Түркістан облысының халқын 100 пайыз ауыз сумен қамтамасыз етілуі тиіс.

Бүгін аудан әкімі Қайрат Жолдыбайұлы жұмыс сапары барысында Балтакөл ауылының ауыз су иммаратының жағдайымен танысты. «Отырар-Қызмет» МКК-на қарасты нысан 2010 жылы пайдалануға берілген. Бүгінде елді мекендегі ауыз су жүйелерін жаңарту қажеттілігі туындап отыр. Сондай-ақ, ауыл тұрғындары Балтакөл ауыл округіне қарасты Ақкөл елді мекеніндегі ауыз су мәселесін аудан әкімінің назарына жеткізді. Аталған елді мекенінің жер асты су қоры анықтау үшін Түркістан облыстық энергетика және тұрғын-үй коммуналдық шарушылық басқармасымен тиісті шаралар атқарылып, Ұлттық сараптама орталығынан ауыз су үлгілерін зеттеру хаттамасы алынған. Ақкөл елді мекенін ауыз сумен қамту жұмыстарын жеделтету мақсатында 2023 жылдан жобалаушы «МПК-Проект» ЖШС-мен түзілген меморандумға сәйкес жобалау-сметалық құжаттама әзірленуде.

Аралау барысында аталған мәселелер өзекті екенін айтқан аудан әкімі жауапты сала басшыларына заң шеңберінде тиісті жұмыстарды атқаруды тапсырды.

Мұнан соң Ақкөл ауылындағы «Ақкөл» бастауыш мектебінің құрылысымен танысты. Түркістан облыстық құрылыс басқармасының тапсырысы негізінде салынып жатқан нысан алдағы жаңа оқу жылында пайдалануға беріледі деп күтілуде. Бүгінде құрылыс жұмыстарының 90 пайызға жуық жұмыстары аяқталған.
Аралау барысында аудан басшысы сала басшыларына атқарылып жатқан жұмыстардың сапалы әрі мерзімінде аяқталуын қадағалауды тапсырды.