Педагогтік әдеп мәселелері жөніндегі кеңестің кезекті отырысы өтті

Түркістанда білім беру ұйымдары педагогтерінің құқықтарын қорғау және педагогтік әдеп мәселелері жөніндегі кеңестің кезекті отырысы өтті. Облыстық білім саласында сапаны қамтамасыз ету департаментінде өткен жиынға кеңес мүшелері қатысты. Отырысты кеңес төрағасы Ғалымжан Алматов ашып, алдыңғы 2022 жылдың 12 тамызында өткен кезектен тыс отырыста қабылданған қаулы бойынша Түркістан облысының адами әлеуетті дамыту басқармасына хат жолданып, құзыреттіліктері бойынша шешімдер қабылданғаны жөніндегі мәліметтер алынғаны бойынша хабарлама жасады.

Сонымен қатар, Кеңестің күн тәртібіне Бәйдібек ауданының адами әлеуетті дамыту бөліміне қарасты «Майбұлақ» жалпы орта мектеб» КММ-нің директоры мен Түркістан облысының Адами әлеуетті дамыту басқармасына қарасты «Ғ.Мұратбаев атындағы гуманитарлық-техникалық колледжі» МКҚК-ның директорының Қазақстан Республикасының 2019 жылғы 27 желтоқсандағы «Педагог мәртебесі туралы» №293 заңының талаптарына қайшы келетін іс-әрекеттері бойынша түскен арыздары қойылды.

Күн тәртібінде көтерілген екі мәселе бойынша кеңес мүшелері арыздарды қарап, арызданушыны тыңдады. Ойларын ортаға салып өз құзыреті шеңберінде Түркістан облысының адами әлеуетті дамыту басқармасына және Бәйдібек ауданының адами әлеуетті дамыту бөліміне қабылдаған қаулы негізінде тиістілігі бойынша хат жолдауға ұсыныс жасады.