“Туған жер-тұғырың” атты тарихи кеш өтті

Қазығұрт ауданындағы Жылыбұлақ ауылдық клубының ұйымдастыруымен мәдениет саласындағы қызметті, ішкі туризмді дамытуды қолға алу мақсатында  “Туған жер-тұғырың” атты тарихи кеші аясында “Суан баба” кесенесіне саяхат жасалынды. Қазығұрт ауданының 95 жылдығына орай ауылдың тарихын насихаттау, туған жерін, елін құрметтеуге, ата-баба мұрасын құрметтеу мақсатында ауыл балаларына тарихи кешеннің маңыздылығы түсіндірілді.

Одан бөлек, Қазығұрт аудандық орталықтандырылған кітапханалар жүйесіне қарасты Сарапхана ауылдық кітапханасында Қазақстан Республикасының Конституциясы күніне орай, “Елдің асыл тірегі-Ата Заң” атты тақырыпта танымдық кеші өткізілді. Мақсаты: Оқырмандарға Ата Заңның бағасын білу, еліміздің басты құжатын құрметтеуге үйрету. Отанын құрметтей білетін, болашақта Қазақстанды өркендетуге өз үлестерін қосатын азамат тәрбиелеу. Сонымен қатар, Қазығұрт аудандық орталықтандырылған кітапханалар жүйесіне қарасты Алтынтөбе 1 ауылдық кітапханасында Қазақстан Республикасының Конституциясы күніне орай “Елдің асыл тірегі-Ата Заң” атты тақырыптық кеш болып өтті. Мақсаты: Ата Заң жайлы ұғым түсініктерін қалыптастыру. Ата Заңға деген сүйіспеншілік сезімдерін оята отырып, елжандылыққа тәрбиелеу. Патриоттық сезімін ояту.