FlyArystan әуекомпаниясы Қазақстанның рухани астанасында iJan терминалдарын таныстырды

FlyArystan әуекомпаниясы Қазақстанның рухани астанасында iJan терминалдарын таныстырды. Енді Әзірет Сұлтан әуежайының жолаушыларына инновациялық тіркеуден толық өтуге мүмкіндік беретін терминалдары қолжетімді.
Естеріңізге сала кетсек, FlyArystan – Түркістанның әуе айлағына ұшуды бастаған алғашқы әуекомпания. Ыстамбұлға алғашқы халықаралық рейс те отандық лоукостердің бортында жүзеге асырылды. Сондай-ақ 2020 жылдың желтоқсанында Түркістанға рейстер орындалып бастаған сәттен FlyArystan 3300 рейсті орындап, жарты миллионнан астам жолаушыны тасымалдады.

“Әзірет Сұлтан әуежайы жолаушыларға инновациялық терминалдар қолжетімді болған алғашқы өңірлік әуежайлардың бірі болды. Цифрлық көмекшілерді іске қосу жолаушыларға өз бетінше, жылдам және қауіпсіз қызмет көрсетуге мүмкіндік береді. Әзірет Сұлтан халықаралық әуежайына түркі әлемінің түкпір-түкпірінен қонақтар келеді және бұл әуежай елдегі ең жабдықталған порттардың бірі болып саналады. Біз заманауи терминалдарды енгізу арқылы Түркістанның әуе айлағын одан әрі жаңғыртуға мүмкіндік беретініне қуаныштымыз”, – деп жаңалықтармен FlyArystan-ның Түркістан станциясының менеджері Медет Байболат бөлісті.

Естеріңізге сала кетсек, лоукостер өз жолаушыларына танысу мен бейімделуге уақыт керек екенін ескере отырып, оларға 2023 жылдың қаңтар айына дейін терминалды қолдануға ақысыз бонус кезеңін ұсынады. Ал 2023ж. қаңтарынан бастап тіркеу әуежай мен iJan терминалы арқылы ақылы болады. Сонымен қатар жолаушылар FlyArystan мобилдік қосымшасында немесе flyarystan.com сайтында тіркеуді тегін алдын-ала өте алады. Тегін тіркеу әуежайда да қолжетімді болады. Сондай-ақ жолаушы онлайн тіркеуден тегін өтіп, Түркістан қаласының әуежайында орналасқан iJan терминалында отырғызу талонның басып шығара алады.

Қазіргі кезеңде iJan терминалдарында өзге көмексіз тіркеуді тек ішкі рейстерге ұсынады. Ал кейін халықаралық рейстер де қосылады.