Жұмысқа жол ашқан жобаның жемісі

Алғашқы жұмыс орны – сенімді болашақтың бастауы

Еңбек жолын енді ғана бастап келе жатқан жастар үшін алғашқы жұмыс орнының маңызы зор. Бұл – тек табыс табу мүмкіндігі ғана емес, өз мамандығы бойынша тәжірибе жинап, кәсіби бағытта қалыптасудың алғашқы сатысы.

Осындай нақты мүмкіндікке ие болған жастың бірі – Халтаева Малика. Ол «Алғашқы жұмыс орны» жобасы аясында дәріханаға жұмысқа орналасып, бүгінгі таңда өз мамандығы бойынша тұрақты еңбек етіп жүр.

Маликаның айтуынша, жұмыс орны – таза, жайлы әрі айлығы тұрақты. Ең бастысы – алған білімі мен дағдысын іс жүзінде қолдануға мүмкіндік бар. Ол бұл қолдауға себепкер болған Кентау қалалық Мансап орталығына шын жүректен алғыс білдіреді.

«Алғашқы жұмыс орны» жобасы дегеніміз не?

«Алғашқы жұмыс орны» – бұл 29 жасқа дейінгі жұмыссыз жастарды өз мамандығы бойынша алғашқы еңбек жолына орналастыруға бағытталған мемлекеттік жоба.

Жобаның негізгі ерекшелігі:

• Жұмыс берушіге мемлекет тарапынан жалақыны субсидиялау қарастырылған;

• Жастар 12 айға дейінгі мерзімге жұмысқа қабылданады;

• Осы уақыт ішінде жастар кәсіби ортаға бейімделіп, тәжірибе жинақтайды;

• Мерзім аяқталған соң жұмыс беруші қызметкерді тұрақты жұмысқа қалдыруға мүдделі болады.

Мансап орталығы – жастарға бағыт беруші көпір

Кентау қалалық Мансап орталығы жастарды жұмысқа орналастыру, кәсіби бағдар беру және мемлекеттік бағдарламаларға қатыстыру бағытында тұрақты жұмыс атқарып келеді. Жыл сайын ондаған жас дәл осы «Алғашқы жұмыс орны» жобасы арқылы еңбек нарығына сенімді қадам жасап келеді.

Бұл жоба – тек жұмыс табу емес, сенім ұялату, болашаққа жол ашу, мамандыққа деген жауапкершілікті арттыру құралы.

Жастар – елдің ертеңі

Халтаева Маликаның табысты еңбек жолы – «Алғашқы жұмыс орны» жобасының тиімділігін көрсететін нақты мысал. Оның еңбекке деген ынтасы, білімін қолдануға деген құлшынысы – өз болашағына жасалған сенімді инвестиция.