Тазалықтың сақшысы

Кентау қаласы әкімдігінің «Кентау қалалық тұрғын-үй коммуналдық шаруашылығы және тұрғын үй инспекциясы бөлімінің “Жасыл қала” коммуналдық мемлекеттік мекемесі» – қала көшелері мен аумақтарының тазалығын, жасыл желектерін күтіп-баптап, тұрғындарға жайлы орта қалыптастыруға бағытталған маңызды мекеме. Қаланың көркі мен тынысы осы мекеменің қызметкерлерінің қажырлы еңбегіне тікелей байланысты. Саябақтарды, аллеяларды, скверлерді абаттандыру, гүлзарларды күтіп-баптау, көшелерді көгалдандыру және қоқыстан тазалау — күнделікті атқарылатын жұмыстардың басты бөлігі.

Бейсекеевa Гүлайым Досмаханқызы – осы саланың білікті қызметкері. Ол 1961 жылы дүниеге келген және Кентау қаласы Ащысай ауылында туып-өскен. 1989 жылдан бері тазалық саласында еңбек етіп келеді. Ұзақ жылдар бойы адал қызмет жасап, өзінің кәсіби тәжірибесімен қаланың көркеюіне үлес қосып келеді.

Гүлайым Досмаханқызы – төрт перзенттің анасы, жеті немеренің әжесі. Отбасылық өмірінде де, қоғамдық өмірде де жауапкершілікті артқа қалдырмай, әрдайым тәртіптілік пен еңбекқорлықты ту етіп келеді. Ол қаланың тазалығын сақтау ісінде жылдар бойы жинаған тәжірибесін әріптестерімен бөлісіп, жаңа қызметкерлерді үйретеді, жұмыс сапасын қадағалайды.

Бейсекеевa Гүлайым Досмаханқызы үшін тазалық — жай ғана жұмыс емес, қоғам алдындағы міндет. Көршілерге, қаланың тұрғындарына жайлы орта жасау үшін жасалған әрбір қадам оның адалдығы мен жанкештілігін көрсетеді. Оның еңбегі — Кентау қаласының көркейіп, тұрғындар үшін жайлы, таза қалалық орта қалыптасуына қосылған зор үлес.

Гүлайым Досмаханқызы сияқты еңбеккерлердің арқасында «Жасыл қала» мекемесі қала көшелерін, саябақтарын, скверлерін таза әрі тартымды ұстап, тұрғындарға таза орта мен жайлы демалыс орындарын сыйлап отыр. Оның ұзақ жылдар бойы атқарып келе жатқан еңбегі – құрметке лайық, ал адал қызметі – жас ұрпаққа үлгі.