ШЫМКЕНТТЕ ҚОСЫМША ИНФЕКЦИЯЛЫҚ СТАЦИОНАР АШЫЛДЫ

Шымкент қаласында №1 қалалық клиникалық ауруханасы жанынан 100 орынға арналған инфекциялық стационар ашылды. Аталған медициналық нысанның науқастарды қабылдау процесімен қала әкімінің бірінші орынбасары Шыңғыс Мұқан арнайы барып танысты деп хабарлайды Infonews.kz Шымкент қаласы әкімдігінің баспасөз қызметіне сілтеме жасап.

Еліміздегі жағдайға байланысты коронавирустық инфекция жұқтырған науқастар санының өсуіне орай жасақталған бұл стационар жүкті әйелдерге арналған. Резервтік стационарда реанимациялық төсек орындар мен науқастарды емдеу үшін барлық қажетті медициналық жабдықтармен қамтылған. Мұнда дәрігерлер ковид ауруының орташа және ауыр ағымы бар науқастарды емдейді.

Шымкет қаласы әкімінің орынбасары індетпен күресте жалғыз тиімді әдіс – ол вакцинация екенін айтып, жақындарымыз бен туыстарға сондай-ақ айналамыздағы адамдардың денсаулығына жанашыр болуға шақырды.

Айта кетейік, қазір қалада инфекциялық ауруға шалдыққан 1346 азамат стационарда ем қабылдауда. бүгінде төсек-орын толымдылығы 61% құрайды. Өткен тәулікте 421 науқастан коронавирус анықталған.