Home›Әлеумет›ТӨЛЕБИ АУДАНЫНДА ОТБАСЫ ҮЛГІСІНДЕГІ БАЛАЛАР ДЕМАЛЫС АЙМАҒЫНА БАРДЫ

ТӨЛЕБИ АУДАНЫНДА ОТБАСЫ ҮЛГІСІНДЕГІ БАЛАЛАР ДЕМАЛЫС АЙМАҒЫНА БАРДЫ

January 29, 2025

Төлеби ауданындағы отбасы үлгісіндегі балалар ауылының тәрбиеленушілері «Таудағы бір күн» тақырыбы аясында «Тау самалы» демалыс аймағына саяхатқа барды. Демалыста балалар аспалы жолмен таудың биік нүктесіне шықты. Сондай-ақ, демалыс орнын жоғарыдан тамашалап, тюбингпен, шанамен сырғанады. Саяхатқа барлығы 54 бала келген.

Шара барысында балаларға «Шымкент цирк» мекемесі тау баурайына арнайы келіп, өнер көрсетті. Одан бөлек, Жастар ресурстық орталығының мамандары балалар арасында түрлі жарыстар ұйымдастырып, жеңімпаздарды арнайы сыйлықтармен марапаттады. Жалпы шара – өскелең ұрпақты патриотизмге тәрбиелеу мақсатында ұйымдастырылған.