Түркістан облысында бес жасар қызды өлтірген адам өмір бойына бас бостандығынан айырылды

Түркістан облысында 5 жасар қызды өлтірген адамға қатысты сот үкімі шығарылды, деп хабарлайды Infonews.kz сайты. 

Сотталушы өмір бойына бас бостандығынан айырылды. Сонымен қатар сотталушының химиялық кастрация процедурасынан өтуі керек деп шешілді.

Естеріңізге сала кетейік, қайғылы оқиға осы жылдың шілде айында Сарыағаш ауданы Жібек Жолы ауылында болған. Жедел-іздестіру іс-шаралары барысында полицейлер оның денесін ауыл тұрғындарының бірінің үйінен өлі күйінде тапты.

Қызды өлтірді деген күдікті 2006 жылы кісі өлтіргені үшін сотталып, 10 жылға бас бостандығынан айырылған. 2023 жылдың мамырында ол жанжалда алкоголь ішкен кезде ауылдастарын балтамен ұрғаны үшін сотталды. Күдіктінің жәбірленушімен татуласып, оның бұрынғы соттылығы жойылғанын ескере отырып, сот оған пробациялық бақылау орната отырып, үш жылға бас бостандығын шектеуді тағайындады.

Жоғарғы Сот мамыр айында қызды өлтірді деген күдіктіге қатысты заңсыз үкім шығару фактісі бойынша қызметтік тексеру жүргізді. Тексеру қорытындысы бойынша Түркістан облысы Сарыағаш аудандық сотының төрағасын атқаратын қызметінен босату мәселесі көтерілді.