АҚШ сенаторы Мерфи Орталық Азияның үш еліне қатысты Джексон-Вэник түзетуін жоюға шақырды

АҚШ сенаторы Крис Мерфи АҚШ конгресін Орталық Азияның үш еліне қатысты Джексон-Вэник түзетуін жоюға шақырды. Бұл туралы Infonews.kz сайты murphy.senate.gov басылымына сілтеме жасап хабарлайды. 

1974 жылы қырғи-қабақ соғыстың қызған шағында қабылданған түзету Қазақстан, Өзбекстан және Тәжікстанға қатыстылығын жалғастыруда. Ол Кеңес Одағы елдеріне сыртқы сауда санкцияларын енгізді.
Крис Мерфи Джексон-Вэник түзетуінің күшін жою АҚШ-қа үш елмен тұрақты сауда қатынасын орнатуға мүмкіндік береді деп санайды.

“Өкінішке орай, анахронистік заң біздің жолымызға кедергі болып тұр. Кеңес Одағы әлдеқашан кетті, бірақ қырғи-қабақ соғыс дәуірінің бұл реликті Қазақстан, Өзбекстан және Тәжікстанмен қарым-қатынасымызды шектеп келеді”, – деді Мерфи.

Джексон-Вэник түзетуінің күшін жою туралы заң жобасы осы жылдың мамыр айында Конгресске ұсынылды.