«ТҮРКІСТАН-ШӘУІЛДІР» БАҒЫТЫНДАҒЫ ЖОЛ ЖҰМЫСТАРЫНЫҢ 55 ПАЙЫЗЫ АЯҚТАЛҒАН

Бүгінде Түркістан облысында өңірлерді дамыту мәселелерін, түрлі бағыттардағы өңірлік іс-шараларды дамыту мақсатында жан-жақты шаралар жүзеге асырылуда. Осы ретте қазіргі таңда «Түркістан-Шәуілдір» бағытындағы жалпы ұзындығы 64,1 шақырымды құрайтын облыстық маңызы бар автомобиль жолы толық жаңартылып, құрылыс жұмыстары жүргізіліп жатыр. Нысанның жұмыстары төрт бөлікке бөлініп, іске асырылуда. Қазіргі таңда жолдың бірінші бөлігінде құрылыс жұмыстары басталу үстінде. Ал жолдың екінші бөлігінде жерді топырақпен көтеру, үшінші бөлігінде қайта құру жұмыстары 85%-ға аяқталған. Бүгінде жол белгілері мен темір қоршаулар орнатылып жатыр. Сондай-ақ, төртінші бөлікте асфальт жабындысы төселуде. Жалпы жұмыстар 55%-ға атқарылған.

Айта кетерлігі, «Түркістан-Шәуілдір» бағытының сол жақ бөлігіне көлік қозғалысы ұйымдастырылған. Ал оң жақ бөлігіне майда түйіршікті асфальт жабыны төселуде. Нысанның жұмыстары 2025 жылға өтпелі. Аталған бағытта мамандар жол қозғалысы кезінде орнатылған жол белгілеріне назар аударып, жылдамдықты асырмауды сұранады.